garbhāvakrāntiśārīrānantaraṃ garbhavyākaraṇasyocitatvād garbhavyākaraṇaśārīrārambhaḥ | vyākaraṇaṃ vivaraṇaṃ |* tat śukraśoṇitaṃ garbhāśayagataṃ prāṇināṃ garbhaḥ ||*

tac ca prāṇa/ na yeṣām eva bhāvānām anvayavyatirekābhyāṃ anvayavyatireki ca teṣv eva prīṇābhyāṃ paribhāṣayann āha – agnīṣoma ity ādi ||

kutaḥ punar ādāv evāgniṣomādi* prāṇavyākaraṇam ucyate | anantaroktād garbhapratyaṅgaguṇāguṇavat* teṣām apy agnīṣomādīnāṃ dharmmādharmmābhyām eva saṃyogayoḥ kṛtatvāt |* tad evaṃ pāribhāṣitukāmaś* ca teṣu darśayituṃ śabdapurovarttinām ivaiteṣāṃ prāṇaśabdo prayoge varttayati | manas ceti cakāra eṣām api śarīraguṇadoṣāṇām iva dharmmādharmmanimittatvaṃ samuccayāya |